قصة بقلم زهرة الربيع

وقالت ليه قالتلك ايه
ريان قال بحزن قبل فوات الاوان
ريان بصلها بضيق وقال كشفهالي ايه هو انا مسكتها مع واحد ما حقها تقول كده بعد الي سمعتو وقرتو
نغم قالت لا مش حقها انا لو مكانها كنت هسمعك ومستحيل اشك فيك
ريان ابتسم وقال انتي كدابه اوي على فكره اي حد كان هيشك وبعدين هايدي حساسه جدا
نغم قالت بضيق امم لو كانت فعلا بتحبك كانت عرفت ان واحد في اخلاقك مستحيل يعمل كده

ريان اتنهد حس ان معاها حق دي حتى مرضيتش تسمعو بس قال متدخليش انتي انا هعرف اصالحها
نغم قالت مش هتبقى مضطر لانك هتحبني انا وبكره تشوف
ريان بصلها بسخريه وقال عشم ابليس في الجنه
نغم قټلت بكره نشوف و نامت وقالت تصبح على خير
ريان كمان فضل يفكر لحد ما نام
في صباح يوم جديد قامت نغم وكان لسه ريان نايم بقت تتتأملو شوبه واول ما صحي بعدت عيونها
ريان قال بنوم صباح الخير
نغم قالت صباح النور
ريان قال بقولك ايه هو فيه حمام هنا ولا هنتصرف زي القطط ولا ايه
نعم ضحكت وقالت لا فيه ورا الستاره الي هناك دي
ريان قال ستاره مفيش باب
نغم ضحكت بغمز وقالت مفيش بس متخافش مش هبص عليك
ريان ضحك بخفه وقال انتي بتقولي
فيها والله انتي تخوفي بجد متضمنيش خالص
قال كده ودخل استحمى ولبس هدومو تاني ونغم لبست كمان وطلعو سوا راحو القهوه الي قال عنها حمو وكان فيه جمبها مطعم كشړي اشترو وقعدو سوا على القهوه وبقم ياكلو
ريان اكل شويه وكان سخن قال ايه ده ازاي بتاكلي ده مشطشط قوي ده خطړ على صحتك ده
نغم ضحكت وبقت تزود شطه في طبقها قالت على فكره انا محططتلكش غير معلقه يعني استرجل شويه مش كده
ريان قال بضيق ايه استرجل دي انا راجل قوي على فكره بلاش نثبت لبعض احسن
نغم ابتسمت وبصتلو بحب وقالت انت ارجل من اي راجل وفي عيوني كل الرجاله
ريان ابتسم وقال احم عارفه رغم جنانك ورغم اني مش مراهق يعني علشان اتأثر بيه رغم كمان ان كان ليا معجبين كتير لاكن كلامك بيجي على قلبى زي نسمة الهوا في شهر ٧ بجد بحس روحي بتنتعش منو ومش فاهم ليه
نغم فرحت وقالت بلهفه يعني ابتديت تحبني
ريان قال 
بسرعه حيلك حيلك متتأمليش ده مجرد احساس وانا بس قولت احكيلك
نغم غمزتلو وقالت على العموم بكره يكبر الاحساس ونجيب احمد والياس
ريان ضحك من قلبو على جنانها وقال احمد والياس دول مستحيل اخليكي امهم متحلميش
خلصو اكل وبقم يتمشو سوا وكانت نغم مبسوطه جدا بوجودها معاه بقت تحكيلو عن كل حياتها وتبصلو بحب شديد كان بيجبر ريان انو يستسلم لسحر عيونها
تاني يوم كانو سوا بيلعبو افلام وبقت نغم تمثلو شويه حركات ريان فهمها وقال بسرعه حبك ڼار
نغم قالت بدلال اه والله ڼار
ريان ضحك وقال الفيلم انا بتكلم عن الفيلم اسمو حبك ڼار
نغم ابتسمت وقالت وانا كمان بتكلم عن الفيلم
ريان لسه هيرد اتفاجأو بامام ضړب الباب برجلو ودخل
نغم وريان اتخضو وامام قال انتي فاكره هتعرفي تهربي مني ده انا اجيبك من تحت الارض يا بت ومسكها من شعرها وقال انتي بتاعتي فاهمه ولا لا بتاعتي انا وبس
ريان قرب منو وشدها وراها وقال پغضب اياك ټلمسها تاني فاهم
نغم استخبت فيه جامد وامام رفع ايده هيضرب ريان بس
ريان زقو وضړبو بوكس قوي وقع على الارض
امام وقف بتعب واشتبك مع ريان وكانو بيضربو بعض بعد كده امام بقى يخنق ريان قامت نغم مسكت القله وضړبتو بيها على دماغو كسرتها عليه ووقع على الارض
ريان قال پخوف ايه ده قتلتيه
نغم قالت قټلتو ايه بس دققتين وهيفوق يلا نهرب بسرعه وطلعو سوا جري وبقم يدخلو من شارع لشارع ودخلو غابه مليانه اشجار وقعدو تحت واحده منهم يرتاحو
ريان قال وهو بينهج بتعب ده ايه الحيوان ده يقرباك ايه
نغم قالت عايز يتجوزني
ريان اتضايق لما قالت كده ومش عارف السبب قال ايه تتجوزي ده
نغم حست انو اضايق قالت اهو موجود لو معرفتش اوقعك هو واقع وجاهز
ريان قال اه مأمنه نفسك يعني على فكره انا شايف انو ميستهالش واحده زيك ابدا
نغم
بصت في عيونه وقالت امال
مين يستاهلني
ريان ارتبك وقال حد