ۏجع الهوى لايمي نور

خبيثة 
بس يوصل...
وليها الف طريقة وطريقة متقلقش 
فلم يطل انتظارها كثيرا فماهى الا دقائق حتى خرج يحمل منشفة يجفف بها خصلات شعره لتنهض سريعا فى اتجاهه قائلة 
انا حضرتلك الغدا..مش هتاخد ثوانى تقدر تاكل فيهم...وبعدين ترتاح براحتك
لا....مش هقدر يا ليله...انا يدوب انام ساعة واصحى انزل تانى
دى ثوانى صدقنى....اقولك انا اللى هاكلك بايدى ايه رايك
تخفض وجهها ارضا حين قال بتحذير
ليله.....انا مش عيل صغير....محتاج اللى ياكله
تراجعت الى الخلف تلتفت ناحية الطعام وهى تقول باعتذار وتردد
اسفة.....انا هنزل.....تكون انت.....

اسرع هو هذه المرة ليوقفها
لااا متنزليش خليكى معايا......اقولك كمان اكلينى انتى بايدك.....بس خلينى ارتاح شوية واوعدك اول ما اقوم هاكل...اتفقنا
اومأت له سريعا تبتسم بفرحة جعلته هو الاخر يبتسم سعيدا لرؤية فرحتها تلك لكن اسرع يسألها بحيرة حين وجدها تلتفت بعيدا عنه يسألها بلهفة
الى اين تذهب لتجيبه فورا قائلة 
هنزل الاكل تحت...وابقى احضره تانى لما تصحى
تنهد جلال بقلة صبر سائلا اياها بنزق
هو انتى ايه حكايتك وحكاية النزول تحت انتى عاوز تسبينى وخلاص
اتسعت عينيها دهشة مرتجفة بشدة تتخضب وجنتها بالحمرة .... انا عاوز انااااام ومش قادر افتح عينى....بس خاېف انام يحصل لها حاجة وانا مش جنبها
متخفش هى كويسة والدكتور طمنا عليها.....انت نام وانا هفضل صاحية هنا جنبك وصدقنى مش هتحصل حاجة
اعقبت حديثها تنزل
نام وغمض عيونك....وانا هنا مش هسيبك ابدا
بعد مرور يومين على تلك الاحداث
عرفت هتعمل ايه
تحدث راغب الى شاب عشرينى يقف امامه بتلك الكلمات بحزم ليهتف به الشاب قائلا بتأكيد
طبعا متقلقيش يا باشا دى شغلانة سهلة ومش هتاخد منى يوم
ابتسم راغب فرحا وهو يهز راسه استحسانا ثم يقول 
عاوز فى كل حتة فى البيت كاميرا حتى لو فى المطبخ مش عاوز شبر مايكنش فيه
الشاب هازا راسه قائلا بحزم
سهلة ياباشا متقلقش
وضع راغب بيده داخل جيب سترته يسحب منه عدة الوف من الجنيهات دفع بها ناحية الشاب والتى التمعت عينيه بجشع وغبطة قائلا
ودى دفعة من الحساب ولو ظبطت الشغل ليك ادهم كمان
اندفع الشاب يختطف المال حتى كاد ان يسقط ارضا وهو يهتف بفرحة 
عيونى يا باشا...دانت هتشوف منى احلى شغل
هنا تحدث نسيم بعد وقوفه الصامت طوال المقابلة هاتفا بالشاب 
طب يلا انت يا عماد اسبقنى على العربية وانا هحصلك
اومأ الشاب موافقا يغادرا فورا وعينيه تكاد تخرج من محجرهما وهو يتطلع الى المال القابض عليه بين يديه ليتحدث نسيم فور خروجه يسأل راغب بحيرة ونفاذ صبر
ادينا خلصنا من موضوع الكاميرات تقدر تقولى بقى هتجيبها لهنا ازاى بعد اللى انت عملته....وازى جوزها هيوافق يجبها تانى
راغب بابتسامة واثقة وعيون تلتمع كعيون ذئب جائع وقائلا بغموض
اللى جابها فى المرة الاولى يجيبها فى المرة التانية وصدقنى ليله بنفسها اللى هتخليه يجبها هنا تانى
الفصل التاسع عشر
كانت تجلس فى حجرة الجدة لتؤنسها وترعاها بطلب من جلال حتى يستطيع ان يكون مطمئنا عليها فى غيابه والذى دام حتى الان ليومين فقد اضطرته الاعمال للمغادرة خارج البلدة فى عمل طال تأجيله له طول فترة مرض الجدة حتى اطمن اخيرا عليها ليسافر بعدها فورا وهو وزوج حبيبة بعد حديث مبهم معها عن حاجتهم للحديث بعد عودته فورا قائلا عن حاجته لتوضيح بعد الامور بينهم لكنها تستطيع الانتظار حتى عودته وثم قيامه بتوصيتها بالاهتمام بالجدة فى غيابه مع وعد ان يحدثها كل ليلة 
وهاهى تجلس معها منذ غيابه لا تغيب عنها حتى فى ساعات النوم تنفيذا لطلبه واستغلالا لفرصة الابتعاد عن توتر تحفز اهل الدار فى التعامل فيما بينهم بعد ان تم تأجيل خطبة سلمى لاسبوع اخر نظرا لظروف مرض الجدة لتعود سلمى مرة اخرى لكلماتها المسمۏمة لكن هذه المرة لم تكون موجهة اليها بل الى اميرة والتى لم تتهاون فى الرد عليها ليكون الجو داخل المنزل كساحة للمعركة لجأت هى خلالها لغرفة الجدة هربا منها تجلس فى انتظار عودته اليها وهى تتلهف شوقا اليه والى محادثتهم الهاتفية برغم انها تعتبر مختصرة نسبيا لكنها كانت تكفيها حتى موعد المكالمة الجديدة
ليله هو جلال متصلش بيكى النهاردة
خرجت من شرودها تلتفت الى الجدة تجيبها بهدوء 
لا يا حبيبتى لسه متكلمش
تنهدت الجدة قائلة بقلق 
غريبة مع انه متعود يكلمنا كل يوم قبل كده بكتير
متقلقيش شوية وهيكلمنا... بس نامى انتى وانا اول ما يتكلم هصحيكى على طول
تمر دقائق بصمت تتطلع هى خلالهم الى ساعتها بقلق وقد تجاوزت بالفعل موعد مكالمته بوقت كثير ترتجف خوفا من الا يقوم بمحادثتهم اليوم فقد اصبح سماع صوته كالادمان بالنسبة لها لا تتخيل ان يمر يومها دون ان تحدثه وتستمع الى نبراته القوية لكنها تحمل من الرقة 
زفرت بخيبة امل عندما مرت ساعة اخرى فعلمت انه لن يقوم بفعلها اليوم وهى تلقى بالهاتف جوارها باحباط لكن ما ان مرت دقيقة حتى تصاعد صوته بنغمة الرسائل
لتسرع باختطاف الهاتف بلهفة ظنا منها انها رسالة منه يطمئنها عليه فتتطلع عينيها الى فحوى الرسالة لتتسع بذهول وصدمة وهى ترى تلك الصورة امامها ومعها رسالة نصية ماان قرأتها حتى شحب وجهها بشدة يحاكى وجوه المۏتى تصدر عنها صړخة قوية مړتعبة
فزعت الحاجة راجية من نومها على صوت تلك الصړخة تهتف بليلة بقلق وهى تراها تمسك بهاتفها تتطلع اليه بعيون مصډومة تترقرق الدموع بداخلها 
لتهتف بها 
فى ايه ياليله..... فى ايه يا حبيبتى.... جلال فيه حاجة
نظرت ليله اليها بعيون لا ترى شيئ وترتجف بقوة لتهتف بها راجية لكن بحدة تلك المرة 
فى ايه يا بنتى انطقى مالك وشك مخطۏف كده ليه
فتحت ليله فمها تحاول الحديث عدة مرات لكنها كانت تفشل فى كل مرة تشعر بالغصة فى حلقها تكاد تزهق انفاسها امام عيون الحاجة راجية المړتعبة حتى استطاعت اخيرا ان تخرج حروف متلعثمة غير مترابطة قائلة 
ما.. ماما... ت... تع... بانة.... وانا لا... زم... اشوف... ها... حا... لا
راجية بصوت حاولت بث الاطمئنان والهدوء اليها فيه
طيب ياحبيبتى... اهدى بس كده وخير ان شاء الله
لم تستمع ليله لحرف مما تقول وهى تتحرك باتجاه الباب كالعاصفة هاتفة پخوف وهلع 
انا.... لازم اروح عندنا حالا... مش هستنى دقيقة واحدة
خرجت تجرى سريعا الى البوابة الخارجية للمنزل تحت انظار حارسيها المتسائلة عن حالتها تلك لكنها لم تعيرهم اهتماما تكمل طريقها بخطوات متعثرة وعيون مغشية بدموعها حتى انها سقطت فى الطريق عدة مرات ارضا بقسۏة فتدمى كفيها وركبتيها بالچروح لكنها لم تبالى بهم ولا بألمهم تنهض سريعا كل مرة تكمل الطريق الى منزلهم بعزم حتى وصلت اخيرا اليه لكنها لم تدلف الى داخله بل الټفت حوله الى تلك الغرفة المخصصة للحارس تقف امامها وهى تنهت بقوة وجهها شديد الاحمرار تلطخه الدموع وهى ترى كابوس حياتها يخرج من تلك الغرفة يبتسم ابتسامة صفراء عينيه تمر فوقها ببطء وقح قائلا بصوت كفحيح افعى
اهلا...ااهلا ببنت عمى الغالية...ايه رايكعجبتك الصورة لسه فى عندى منها ومن غيرها كتير
ليله بصوت ضعيف متحشرج
انت ازى قدرت تعمل كده...انت ايه..
دوت ضحكت راغب الصاخبة استهزاء من حديثها قائلا بصوت خبيث شرس
حيوان بس ذكى وقدرت اجيبك راكعة تانى تحت رجليا
ليله بصوت مرتجف متوسلا 
ارجوك يا راغب....ابعد شروق عن حكايتنا....شروق ملهاش ذنب
رفع راغب كفه ينظر الى اظافره قائلا بلا مبالاة 
مش بالساهل كده يا بنت عمى مش اقول طلباتى الاول
تطلعت اليه ليله بعيون منكسرة تعلم ان ليس هناك فائدة من الحديث قائلة بصوت مهزوم 
وانا مستعدة لاى طلب تطلبه منى
اقترب منها بخطوات بطيئة واثقة بينما وقفت هى تتابع تقدمه منها بعيون خائڤة مړتعبة تبتعد فورا بنفور عنه حين انحنى عليها يفح فوق بشړة وجنتها 
اول طلب ليه يابنت عمى هو......الارض
اغمضت عينيها تتنهد ارتياحا دون ارادة منها ليضحك ساخرا هو يبتعد عنها قائلا
متفرحيش اوى كده...ده اول طلب بس... لسه فيه طلبات تانية كتير وهتتنفذها كلها والا هتلاقى صور اختك الحلوة منورة فى كل حتة
تساقطت دموعها ټغرق وجنتها رغم محاولاتها لكبتها وقد علمت انها قد سقطت بين انياب وحش حقېر لا يرحم لن يتردد لحظة واحدة ان يفعلها فتهمس له بموافقتها بصوت مبحوح خاڤت يكاد لا يسمع لكنه كان اكثر من كاف له لترتفع ابتسامته بالانتصار قائلا 
ايوه كده شاطرة... اسمعى بقى انا عاوز منك ايه بالظبط
لاتدرى كيف وصلت الى منزل زوجها مرة اخرى تدلف الى الداخل بخطوات مثقلة ورأس منكسة ارضا تتجه الى الدرج لكن يوقفها صوت والدة زوجها هادرة پعنف
كنت فين يا هانم ازاى تخرجى كده من غير ما تقولى لحد ولا تاخدى اذن منى
رفعت ليله وجهها ببطء شديد قائلة بصوت مجهد خرج من فمها بصعوبة
انا اسفة بس ماما تعبت وكان لازم.......
قا طعتها قدرية پغضب شديد 
ولو يابنت الاصول يا محترمة...كان لازم تعرفينى مش تجرى على الشارع ولا كان ليكى حاكم.....لما جوزك يجى انا ليا كلام معاه
اسرعت حبيبة اليها تحاول تهدئتها قائلة بتعاطف وترجى
خلاص يا ماما كفاية كده....انتى مش شايفة حالها عامل ازاى
زفرت قدرية بحنق تدير وجهها الناحية الاخرى صامتة لتسرع اميرة قائلة بتمهل وخبث وهى تلوك علكتها ببطء
يعنى ايه خلاص يا حبيبة لازم عمتى تشوف شغلها معاها....يااما تقول لجلال وهو بقى يتصرف اكيد مش هيعجبه اللى عملته ده
اجابتها حبيبة بحدة وصرامة دون ان تلتفت لها 
لو سمحتى يا اميرة ياريت متتدخليش... دى حاجة بينا واحنا بس اللى نقول ايه ينفع
وايه مينفعش
صدر صوت عن اميرة يدل عن استنكارها لكلمات حبيبة وهى تلوى للجانب ترمق قدرية الصامتة على غير العادة بعدم رضى فترى على وجهها لمحة من التعاطف لحال ليله امامها لتزفر اميرة بحدة تبرطم من بين اسنانها بغيظ لكن لم
يعيرها احد اهتماما تعاود حبيية الاهتمام بليله التى كانت شاردة فى عالم اخر قائلة بصوت حنون
متقلقيش يا حبيبتى ان شاء
الله هتبقى كويسة وتطمنى عليها وعلى صحتها
رفعت ليله اليها عيون تائهة قبل ان تهز رأسها لها بالموافقة تتحرك مع جذب حبيبة لها والتى اخذت تقول بصوتها الحنون
واحنا كمان بكرة نروح معاكى علشان نط.......
هتفت ليله فجأة پذعر وهى تهز رأسها بالنفى قائلة 
لااا.. لا هى خلاص بقيت كويسة...مفيش داعى تتعبوا نفسكم.....انا حتى مش هروح تانى
تابعت الاعين ردة فعلها بحيرة لكن لم يعلق احد بشيئ عليه حتى قالت حبيبة وهى تمد يدها بهاتف ليله اليها قائلة
طيب براحتك يا حبيبتى اللى تشوفيه....خدى ده تليفونك كنتى نستيه هنا
شحب وجه ليله وعينيها تطير فوق الهاتف بلهفة تختطفه من يد حبيبة بسرعة قائلة بتلعثم وهى 
ايوه....طيب.....انا.....ممكن.......هطلع ارتاح.....لو.....
التفتت حبيبة الى والدتها برجاء وعينيها تسألها الموافقة بينما قدرية كانت تقف تتطلع الى ليله بتفكير عينيها تضيق بنظراتها فوقها لكنها اومأت برأسها بالموافقة لتسرع حبيبة قائلة ليله بتعاطف شديد 
اطلعى يا حبيبتى انتى ارتاحى...وانا هسهر الليلة مع الجدة 
هزت ليله رأسها لها كالمغيبة تتحرك ببطء ناحية