رواية رحاب بقلم زين بجمود

علي مكان حد تاني بس ما اخدتش بالي كويس وقاله اهم حاجه اياد يكون عنده وبعد كده هيعمله اللي عايزه..
معتز بعدم فهم
طيب انتي ما سمعتيش اسم اللي بيكلمه ده او اسم حد تاني..
علا
للاسف مش فاكره خالص بس كان قال اسم عوض ومكان عوض باين..
معتز بجمود
تمام يا علا وشكرا جدا لكلامك ده وما تقلقيش انا هعرف اخلي بالي كويس..
علا وقفت وقالت
اوكي يا ميزو هبقي اجي اقعد مع اياد شويه عند طنط الفت تمام..
معتز
تمام يا حبيبتي استني بس في شاي جاي في الطريق
علا
لا معلش وقت تاني خليك انت بس تشوف شغلك..
معتز
تمام يا علا وخلي بالك من نفسك ولو احتاجتي اي حاجه قوليلي..
_وطلعت علا بره مكتب معتز وشافت في وشها حازم ابتسمت بسرعه وقالت..
علا
ازيك يا حازم عامل ايه انا مبسوطه اووي اني شوفتك و
حازم بجمود
تمام الحمد لله معتز جوه صح.
علا
اا طيب استني ممكن بس تيجي معايا نشرب حاجه ونتكلم شويه..
حازم اتنهد وقال
لا والله مش هقدر انا اصلا جاي اخلص حاجه هنا وماشي تاني عقبالك النهارده حنتي..
اتملت عيون علا دموع وقالت
اييه حنتك ازاي يعني انت هتتجوز طيب وانا..
حازم بضيق
لو سمحتي يا علا بلاش كلام في حاجات قديمه..
علا پبكاء
فيها ايه البنت اللي انت هتتجوزها مش موجود فيا عشان تختارها هي وانا اللي جيتلك لحد عندك وقولتلك اني بحبك..
حازم بضيق
وانا وقتها قولتلك
اني بحب وحده تانيه وبعشقها ومش شايف اي وحده غيرها..
علاء مسحت دموعها وقالت
تمام يا حازم انا اسفه اني عطلتك بعد اذنك..
مشيت علا وحازم قال لنفسه بسخريه
بتحب فيا ايه دي طيب نيره عبيطه ومش شايفه غيري من صغرها علا دي فاكراني مهند ليه بس..
معتز
انت بتكلم نفسك يالا ولا ايه..
حازم
لا ما تاخدش في بالك المهم يلا بينا ننزل العروسه طالعه والصحافه ماليه المكان بره وهتبقي حفله معتبره..
معتز
العروسه اللي هو فخري اقسم بالله الراجل ده صعبان من السف اللي عامله عليه انت وعلاء..
حازم
طيب الحق موبيلك بيرن ومريم كلمتني وقالتلي خلي الحيوان صاحبك يرد علي موبيله..
معتز
يا بت الجزمه طيب انزل انت انا هكلمها وجااي..
نزل حازم وهو طلع موبيله ورد علي مريم وقال
يا بومه انا مش قايلك بلاش تهزئ قدام الناس وخليها بينا وبين بعضينا..
مريم وهي بتاكل
ما كانش حد غريب ده حازم المهم انا عايزه اروح لنيره..
معتز بغيظ
مش فاهم منك حاجه خلصي اللي في بوقك واتكلمي..
مريم
بقولك عايزه اروح لنيره وطنط الفت جايه معايا وفريده هناك من الصبح..
معتز
ثواني بس هي فريده تعرفهم منين اصلا..
مريم
ما انت عارف فريده بتحب الظيطه ولما عرفت ان نيره لوحدها قالت هتروحلها بدري وجابتلها حنه وحاجات حلوه عشان الفرح.. اهي عيلتها كلها مايته وهيتعملها حنه ياللي ما تفيت عليا حتي بشوكلاتايه في فرحنا يا نتن
معتز ضحك وقال
هو انتي ايه حكايتك النهارده عماله تهزاي فيا مش هسكتلك كتير يا ام لسانين انتي..
مريم
شوفت سمعتلك اغنيه حلوه اوي بتاعت محرم فؤاد لايقه عليك جدا
معتز
سمعيني بس كلمات صوتك وحش ما تغنيش..
مريم بغيظ
وربنا ما انا قايله يخربيت اللي عايز يبقي رومانسي معاك اقفل وخلي البغل اللي اسمه فتحي ده يخرجني عشان ما اقطمش في زمارة رقبته..
معتز
بت استني الاغنيه اللي سمعتيها عليا بتاعت رمش عينه اللي جرحني رمش عينه مين يا ناس يحكم ما بين قلبي وبينه..
مريم ضحكت وقالت
ههههه وانت عرفت منين بقي..
معتز
كنتي منزلاها استوري من شويه وو
_سكت لما سمع صوت ضړب ڼار ولما بص من الشباك لقي فخري واقف وسط العساكر وفي هجوم علي القسم من ناس مسلحين..
مريم
سكت ليه هو الشريط سف عندك ..
معتز بجمود
هكلمك كمان شويه وما تطلعوش من البيت غير لما اجي..
_قفل معتز في وشها وطلع سلاحھ ونزل وملامحه اتحولت كلها للڠضب وبشكل مخيف كمان. واول ما نزل ادي اوامر للعساكر انهم يقفو في اماكن معينه ويهاجمو وفعلا قدرو يسيطرو علي الوضع بس المشكله ان كان فيه صحافه ومدنين كتير وخد باله معتز من فخري اللي قدر يتحرك لوحده ناحية الرجاله..
حازم بقلق
اقسم بالله يا معتز لو اتهبلت واتحركت من مكانك لهطلع وراك وهتبقي خربت..
معتز پغضب
يا غبي هيهرب مننا وهنبقي ما عملنااش حاجه..
حازم پحده
ما يهرب يا عم هنجيبه هيروح فين يعني
معتز بفضب
وانا ما يتعلمش عليا
_خلص كلامه وفضل يضرب في الرجاله اللي مستنين فخري وفخري من خوفه اتحرك غلط وفي الوقت ده جات طلقة معتز في صدره ووقع مېت وفي اللحظه دي وقف ضړب الڼار والرجاله اللي جايه تاخده مشيت ومعتز كان مصډوم هو ما كانش قصده ېقتله..
بقلم_الكاتبه_رحاب_القاضي 
_في المكان اللي متخبي فيه عمر دخل عنده خالد وقال..
خالد
امسك يا عموري ده نسخه من المفتاح بتاع شقة اختك الجديده..
عمر بقلق
طيب انتو هتخلوني اروح هناك تمام مع ان صحاب حازم وحازم نفسه كلهم تبع الشرطه انا هدخل اعمل اللي عايزه في الشقه ازاي وجوزها هيكون معاها ده كاني رايح اسلم نفسي ولا اغسل شرفي ولا حاجه..
ضحك خالد بسخريه وقال
انت بكره الصبح هتروح الشقه وتتخبي فيها وبالليل اختك هتكون في الشقه لوحدها والباقي بتاعك..
عمر اتنهد وقال
المهم اني اخلص منها مش قادر اتخيل انها بعد اللي عملته ده لسه عايشه دمي محروق منها ومش ههدي غير لما اغسل شرفي بايدي
_دخل عمر الاوضه الصغيره اللي في المكان وطلع خالد من بره وكلم سيف وقاله..
خالد
ايوه يا سيف بيه عملت اللي قولتلي عليه والبواب جابلي مفتاح الشقه..
سيف
تمام مش عايز الواد يدخل عليها فاهم ټموت قبل ما دخلتها زي ما قولتلك تعمل..
خالد
اعتبره حصل يا بيه اصلا والواد ده غبي اووي ده ماشي ورا اي حاجه بقولهاله ومش واثق في اخته بربع جينيه..
ضحك سيف وقال
هههههه ما هو اللي شافه علي اخته الاولي يخليه يصدق اي حاجه علي التانيه..المهم نفذ اللي هقولك عليه..
بقلم_الكاتبه_رحاب_القاضي 
يوسف بدموع
ايه ابويا يعني ايه ابويا ماټ قټله ابن الكلب..
عوض
قولتلك الواد مش ساهل وقال ايه عايز تنزله انت لازم تسمع الكلام اللي هقولك ايه..
يوسف پحقد
ما بقاش فيها عقل الواد ده اقسم بالله لحړق قلبه قبل ما اقتله..
عوض
قصدك عيلته مش كده..
يوسف پحقد
ډم الحج فخري بعيلته كلها كلم سيف خليه يجي هي كده جابت اخرها
_وفي القسم اللواء كان متعصب وقال..
اللواء
كان في مليون حل غير انك تاخد قرار بالسرعه دي..
معتز بجمود
يا افندم ده كان هجوم علي القسم ولو ما كنتش اخدت القرار ده بسرعه كانت
كل حاجه هتبقي خارج سيطرتنا..
حازم
معتز معاه حق يا افندم وفخري ماټ اثناء هروبه والھجوم اللي حصل
اللواء بضيق
ما تنسوش ان يوسف بره واكيد مش هيعدي اللي حصل لابوه ده خالص..
معتز بحماس
طيب ما ده حلو هو هيتعصب فهيظهر فاقبض عليه..
اللواء
مش بالسهوله دي يا معتز الموضوع كبير يا معتز انا قولتلك مدام دخلو في الاول انهم ېهددوك بعيلتك كنت انسحبت دلوقتي الرد هيكون علي عيلتك مش عليك..
معتز بجمود
ولو كنت انسحبت مع احترامي لكل زمايلي كان فخري وابنه زمانهم طاحين في البلد ولا حد قادر يوقفهم
حازم
هو انا مش قصدي اطبل لمعتز عشان صاحبي بس هو معاه حق برضوو..
اللواء اتنهد بضيق وقال
اتفضلو علي شغلكم وما فيش اي خطوه تتاخد غير باذن مني مفهوم..
حازم ومعتز في صوت واحد
تمام يا افندم..
بقلم_الكاتبه_رحاب_القاضي 
_في المستشفي كان بهاء قاعد جنب ندي النايمه وبيبصلها وهو مبتسم وبعد شويه فاقت وقالت..
ندي بتعب
انت مبحلق فيا كده ليه..
بهاء بحزن
بقي انتي مرات مچرم فكرتيني بالمسلسل التركي بتاع حب ابيض واسود..
ندي
ايه ده انت بتسمع تركي ما يبانش عليك..
بهاء
من الفضي بخلص شغل في المستشفي واروح اعمل كيس الاندومي واقعد اعيط بقي قدام التركي..
ابتسمت ندي وقالت
هو في ناس طيبه زيك كده وبعدين انت ليه علي طول قاعد هنا هي مش المستشفي دي بتاعتك والمفروض عندك شغل وكده..
اتوتر بهاء وقال
هاا يعني انا اا بصراحه قلقان وخاېف عليكي اووي ومش بكون مرتاح غير وانا هنا بصي فكك المهم انتي عامله ايه..
ندي بدموع وخوف
هو الدكتور قال اني احتمال كبير جدا اني وانا بولد ھموت صح انا سمعته وهو بيقولك انت والظابط..
مسك بهاء ايدها وقال بدموع
لا هو ما يعرفش حاجه الاعمار دي بيد الله لا انا ولا انتي ولا هو نقدر نتحكم فيها..
ندي بحزن
انا لو حصلي حاجه يوسف هياخد بناتي هيعيشو ازاي طيب..
بهاء حط ايده علي شعرها بتوتر وقال بدموع نزلت
ممكن تهدي وافتكري ان ربنا هو اللي خلقنا وهو اللي
خلق بناتك وهو اللي هيحميهم من شيطان جوزك ده..
_ابتسمت ندي وبعدين من تعبها نامت تاني علي نفسها
بهاء لنفسه بغيظ
يخربيت ام الحب اللي من اول نظره ده..
بقلم_الكاتبه_رحاب_القاضي 
_وفي بيت معتز كان نايم ومريم في حضنه ورافعه ايدها اللي مرسوم عليها حنه ومعتز ضحك وقال..
معتز
اقسم بالله هي لايقه علي ايدك اوووي..
مريم
انا مش علي لايقه ولا لا ليه البنت اللي رسمتلي الحنه قالتلي ان ايد البنت ما بتشلش غير اسم واحد وهو اسم حبيبها زي قلبها مش بيشيل غير واحد..
معتز
طيب ما ده كلام حلو فين المشكله فيه..
قعدت مريم وقالت
واحد بس طيب خد عندك قلبي انا فيه نبدأ بمهند وبعد منه الواد امير بتاع فريحه وبعد منه كريم بتاع فاطمه وبعد منه ارناف بتاع كوشي ده هندي وكتييير اخرهم فريد بتاع سيران..
معتز بغيظ
اييييه قلبك ده ولا مركز شباب وبعدين جوزك فين من ده كله..
مريم غمزتله وقالت
يا اسطا انت القلب كله والله..
معتز
اسطاا هي حماتي ولدتك في موقف مكروبصات صح..
ضړبته علي كتفه وقالت
لم نفسك. وبعدين انت بكره هتنزل تصالح باباك وتخليه يجي معانا الفرح..
معتز پحده
مريم الموضوع مقفول بابا مش شايف نفسه غلطان ودي مشكلته لما يفوق انا ابنه برضو ومش هسيبه وبعدين سيبك من ابويا وامي ايه الحلاوه دي..
مريم عملت نفسها هتنام
يالهوي الواد اللي في بطني ده مطلع عيني ولازم انام..
معتز بخبث
ااه ااه ما احنا هنام برضو هااا..
بقلم_الكاتبه_رحاب_القاضي 
_تاني يوم قدام بيت حازم الساعه خمسه الفجر وقفت عربية خالد ونزل عمر وطلع فوق فتح شقة حازم بشويش ودخل وراح دخل اوضة الاطفال وقعد فيها..
_وبعد شويه صحي حازم وغير هدومه ونزل تحت واول ما خبط علي الباب فتحتله نيره اللي كانت حاطه ماسك علي وشها..
حازم
اعوذ بالله من الشيطان الرجيم انت مين يااه..
نيره
اخص عليك يا حازم انا نيره..
حازم بغيظ
وايه اللي منيلااه في خلقتك ده ما احنا مش عاملين فرح..
نيره
يا حبيبي انا عامله كده عشانك انت..
حازم
ما انا متنيل هتجوزك بخلقتك الاولانيه وعجباني كنت اشتكيتلك..
نيره بغيظ
انت علي طول كده كاسر بنفسي حتي يوم فرحي..
حازم قرب منها وقال
هو انا كنت مجهز كلمتين هقولهم عشان فرحنا بالليل بس لما تغسلي وشك هبقي اقولهملك
نيره پحده
اطلع بره يا حازم اصلا انا غلطاانه اني فتحتلك انا كنت سمعت كلام خالتو لما قالتلي مش هخليك تشوفني عشان فال وحش..
حازم
هي معاها حق اقفلي