روايه ابن ليل للكاتبه اميره اسامه

تصدقي بالله انا غلطان قولت نعمل لقطه رومانسيه بس انا استاهل ضړب الجزم يا شبر ونص
دره طب خلاص حقك عليا هاتلي شيكولاته
كرم بعينك قال شيكولاته قال قطعتي برزقك يلا يابت اقفلي بدل ما نيجي نعلقك
دره بضحك خلاص متبقاش قلاب الله بهزر
كرم مبتجيش غير بالعين الحمراء عايزه شيكولاه وايه تاني
ضحكت دره عليه عشان رجع سألها تاني
دره بحبك يا ابن الرفاعي
كرم وانا بمۏت فيكي يا بنت قلب كرم الرفاعي وعشان الكلمتين الحلوين دول هجيبلك حجات كتير بس يارب ما ما حد يشوفني ونتجرس والهيبه تروح
دره بضحك بنقولك ايه هاتلي ورد ودبدوب وبلالين عشان تتجرس علي حق

كرم بضحك ياريتها تيجي علي الجرسه دي وقتها لا هتبقي تصرفات معلم ولا تصرفات دكتور
دره امال هتبقي تصرفات ايه
كرم بضحك لا بعدين بقي خليني مؤدب 
دره الله انت مش سألت وانا قولتلك اياك بقي متجيبش اللي قولتلك عليه
كرم بضحك وماله بس ساعتها متبقيش تيجي ټعيطي وتقوليلي لغبطنييييي
دره بضحك انا بنتكلم كده ماشي يا ابن نجوي لما اشوفك 
كرم بغمزه هتعملي ايه 
دره هعضك
كرم منين
دره بضحك أقفل ياللي مشوفتش ربايه في حياتك يلا روح شوف العيانين وبلاش دلع ومرقعه
كرم انتي بتقوليلي انا كده ماشي يتقفل علينا باب واحد بس وانا اللي هنعضك
دره حطت ايدها علي وشها وهي بتضحك انا غلطانه اني كلمتك يا ساڤل يلا امشي
كرم طب بحبك طب
دره وانا بمۏت فيك يا قلب دره
كرم سلام يا قلبي
دره باي يا حبيبي
قفلت دره وحطت الموبايل علي قلبها وبعدين اتصلت علي بكر بسرعه 
بكر ايوه يا دره 
دره ايوه يا بكر بنقولك ايه انا لسه قافله مع كرم وقالي انه ساعتين ويمشي الساعه الوقت سبعه وشويه اهو انت عارف طبعا هتعمل ايه
بكر متقلقيش انا متابعه وكنت قافل معاه من شويه بردوا بس مقولتلهوش حاجه ساعه كده ونكلمه وهنقوله يجيلي علي مكان بنروحه ديما مع بعض
دره تمام يابكر
بكر انتي ابدأي اجهزي بقي عشان عالوقت تكوني جاهزه
دره صحيح عملت ايه في حوار التاكسي 
بكر متقلقيش خصلت كل حاجه وروحت قولت لهم احمد السواق بتاع التاكسي واجرتها منه يوم كامل وهو راجل طيب وبيحبنا حتي مسألش ليه وفرح بالفلوس
دره طيب كويس المفاتيح بقي تديها احسن بهدوء
بكر ادتهاله وكويس هو راكنه في الشارع اللي ورانا عالناصيه يعني محدش هيشوفه وانتي وسونه روحوا لحد عنده
دره طيب تمام 
بكر يلا انا شويه وهنطلع نجهز
دره بكر خد بالك مش لازم حد يحس
بكر يا ستي قولتلك متقلقيش
دره تمام يلا سلام 
حسن لحد اخر وقت مكانش لسه كلم يوسف عشان ميديهوش العنوان ويروح قبل ما يوصلوا وده كان جزء من خطه دره
اما سونه فا كلمت يوسف قالتله انها جاهزه ومستنيه دره ترجع واول ما تيجي هتنزل وهتعمل ان المفتاح وقع منها وهي بتشيله في الشنطه وبسرعه هتضرب الكاوتش بسکينه عشان تضطر تاخد معاها تاكسي وقالتله انها كلمت حسن واتفقوا واول ما يجي عالشارع هيرن عليها 
كل حاجه كانت ماشيه تمام دخلت دره تجهز وقفت قدام الدولاب مكانتش عايزه تلبس أي حاجه وخلاص كانت عايزه تلبس طقم يليق بالجو اللي هتعمله ليوسف ثواني وبسرعه قررت هتلبس ايه
طلعت بنطلون جلد اسود وچاكت جلد اسود بيوصل تحت صدرها ماسك عليها وليه سوسته ومن تحتيه توب اسود ولبست جزمه عامله زي بياده الجيش لونها اسود وكلها سيور من قدام عكس بعض بتوصل لحد قبل ركبتها
لبست وخلصت لبس و وقفت قدام المرايه رفعت شعرها ديل حصان وسحبته من قدام اوي وبدأت تعمل ميك اب خلصت
وبصت لنفسها في المرايا عيونها مسحوبه بطريقه جذابه وشكلها يخطف لبسها عامل زي عصابات الماڤيا لكن بطريقه انثويه مهلكه
ابتسمت دره برضا عن مظهرها ويمكن مظهرها النهائي اداها قوه اكبر بكتير و كانت راضيه عن نفسها ميه في الميه مسكت شنطه جلد سوده حطتها علي وسطها وحطت فيها كل حاجه هتحتاجها
وخدت شنطه تانيه عامله زي الصندوق الحديد مكتوب عليها اسمها ودي كانت ديما حاطه فيها ادواتها الطبيه طلعت چاكت اسود لحد ركبتها لبسته فوق هدومها عشان تحاول متلفتش النظر قدام بناتها وفي الشارع لانها في النهايه في منطقه شعبيه
وبعد كده مسكت الموبايل بعتت علي الجروب اللي حسن عمله
دره حسن انا جهزت انزل بسرعه جهز التاكسي واقف علي ناصيه الشارع
حسن تمام 
دره سونه تنزلي حالا ومعاكي سماح عشان تطلعيها قبل ما نتحرك
سونه تمام انا جهزت وعرفتها اني جايه معاكي زي ما اتفقنا وهي لابسه ومستنيه 
دره تمام بكر كلمت كرم من شويه ولا
نسيت
بكر اطمني كلمته وقالي تمام وهو لسه ممشيش من المستشفي علي فكره قالي نص ساعه ويتحرك
دره تمام 
بكر اول ما تتحركوا هنتحرك وراكم بالعربيه
دره اوك يلا سلام 
قفلت دره وخرجت علي بره البنات شافوها 
دارين ايه ده مامي حضرتك خارجه انا كنت فكراكي نايمه 
دره لا مش نايمه بس في حاله طارئه في المستشفي هنروح نشوفها وكمان دكتور عمرو بيطمن علي ابنه ومعاه مريم وطلبت تشوف سونه وسونه هتيجي معايا وسماح هتطلع تقعد معاكم شويه 
دارين طيب تمام
دانه بس ايه الحلاوه دي بالذمه مش خساره الاوت فيت ده يروح كده علي حاله طارئه مش كيرو كان اهم
دره بإبتسامه اتلمي يا دانه وعدي يومك
دانه انا قولت حاجه 
ديما مامي هتتأخري
دره إن شاء الله لأ هنخلص اللي ورايا ونرجع بس مش عارفه امته
ديما اوك
الباب خبط في الوقت ده فتحت دره الباب لمحت سماح 
سماح اوبااااا ايه القمر ده 
دره ادخلي يا بكاشه زي بناتي فين سونه
سماح وقفالك تحت
دره طيب تمام خدوا بالكم من بعض في اكل جوه وفاكهه وعصاير وشوكلت وشيبسي وكل حاجه تحتاجوها تمام
دانه تمام يا مامي
دره يلا حبايبي سلام دارين تعالي لحظه
دره تققلوا علي نفسكم كويس واي حد يخبط متفتحيش غير لما تعرفي مين
دارين بقلق ليه كل ده يا مامي
دره بلاش تناقشيني وقولي حاضر يوسف لسه مرجعش وانا مش ناقصه قلق اكيد انتي فاهمه
دارين حاضر يا مامي متقلقيش
دره يلا باي
دارين باي 
نزلت دره علي تحت خبطت علي نبيله كانت محتاجه اوي انها تسمع منها دعوه 
فتحت نبيله وزكريا كان في الحمام 
نبيله ايه ده انتي رايحه فين
دره حاله مستعجله في المستشفي نروح نشوفها وهنرجع لما نخلص
نبيله طيب فين كرم هو عارف
دره اه عارف هو هناك اصلا انا مش هناخد العربيه وهنرجع معاه
نبيله طيب يا حبيبتي روحي بالسلامه 
دره بإبتسامه وهي قلبها بيدق طيب مفيش دعوه حلوه
نبيله بصتلها ثواني وبعدين ابتسمت ربنا يراضي قلبك يا دره ويحققلك كل اللي تتمنيه ويحفظك و يحميكي من كل شړ
ويجعل طلتك في عيون عباده مريحه يا دره يا بنت نبيله
دره بحب باست ايدها ويخليكي ليا يا ست الكل
نبيله خدي بالك من روحك البنات فوق
دره اه بيذاكرو اطمني 
نبيله ماشي يا حبيبتي بالسلامه
نزلت دره واول ما لمحت سونه وقفالها علي الباب نادت عليها 
دره سونه أسبقيني بلبله اكيد هتبص عليا 
هزت سونه راسها ومشيت كام خطوه ثواني وخرجت نبيله تبص عليها خرجت دره بهدوء بصت عليها و شاورتلها وهي مبتسمه وبسرعه مشيت علي بره
واول ما بعدت وخرجت عالشارع بسرعه ركبت مع حسن هي وسونه وركبوا وراء
حسن ايه كله تمام
دره دره اه الحمد لله لحد الوقت كله ماشي زي ما انا عايزه
حسن هنعمل ايه الوقت 
دره اتصل بسرعه علي يوسف واحنا مش هنتكلم قوله انك كلمت سونه عرفتها انك تحت وقوله انك هتبعتله العنوان
يوسف تمام 
سونه وانتي يا سونه هتستني بعد ما حسن يقفل تبعتيله رساله تقوليله اني معاكي خلاص والخطه ماشيه زي ما اتفقتوا وركبت انا
وانتي مع حسن 
سونه تمام ربنا يستر 
حسن اسكتوا بقي لحظه اتصل علي يوسف
يوسف ايوه يا حسن ايه الاخبار
حسن باشا انا واقف عالناصيه وبعت رساله لست سونه قالتلي دقايق ونكون عندك انا بعتلك العنوان في رساله شوف بقي عايز تروح قبلنا وتستقبلها بروحك ولا تيجي بعدنا وتعملها مفجأه 
يوسف انا هتحرك علي طول الوقت ولما اوصل هستناك تدخل بيهم وبعدين ندخل وراك 
حسن طيب تمام ولو وصلت قبلك هنستناك عشان تشيلها معايا انت عارف اني هنرش عليها مخدر 
يوسف طيب تمام متقلقش ان شاء الله هوصل عالوقت المهم خليك معايا عالخط كل خطوه تعرفني هتعمل ايه 
حسن تمام اقفل بقي قبل ما يجوا 
يوسف يلا سلام 
قفل حسن وبص لدره وراء
حسن براءه انا
دره تمام يا حسن اتحرك حالا ودقايق وابعتي الرساله يا سونه 
حسن بكر ورانا علي فكره
دره بصت وراها واطمنت تمام يلا هو هيفضل ورانا
دقايق وبعتتله سونه رساله 
سونه تمام يا باشا العجل باظ والخطه ماشيه تمام واحنا مع الولا اللي بعته في التاكسي
ثواني ورد عليها
يوسف تمام يا سونه انا نازل حالا من الفندق وهاجي وراكم توهيها في الكلام مش عايزها تحس بأي حاجه لحد ما حسن يرشلها المخدر 
سونه تمام 
بصت دره علي رسايله بقرف وبعدين بصت من الشباك وهي في ايدها الورقه والقلم شطبت علي الخطوات اللي اتنفذت وفضلت ساكته 
حست بسونه طبطبت علي دراعها بصتلها وابتسمت بهدوء 
سونه متقلقيش احنا كلنا معاكي 
دره هزت راسها بهدوء وبصت علي المرايه لقت حسن باصصلها
ابتسمتله وبعدين بصت من الشباك تاني 
رن موبايل حسن لمح اسم بكر رد بسرعه 
حسن ايوه يا خال
بكر حسن اول يمين هيجيلك ادخل فيه وبعدين هدي شويه وخليني نسبقك وامشي ورايا
حسن ليه في حاجه
بكر لا بس ده طريق اسهل واسرع انا واثق ان هو هياخد الطريق الرئيسي خلينا احنا نوصل قبله مش هو اللي يوصل قبلنا تمام
حسن تمام يا خال 
دره في حاجه
حسن لا وصفلي طريق اسهل وهو هيسبق ونمشي وراه عايزنا نوصل احنا قبله 
دره تمام اعمل اللي قالك عليه 
مسكت دره موبايلها وبعتت رساله لچاك 
دره چاك خليك جاهز اول ما اقولك أبدأ تبدأ 
چاك جاهز ومستعد ومستني الاشاره
دره اوك چاك 
چاك بليز دره أرجوكي خدي بالك من نفسك
دره متقلقش چاك تلميذتك هتجيب إمتياز مع مرتبة الشرف
ابتسم چاك اول ما شاف رسالتها الاخيره وكان واثق انها هتقدر
بعد حوالي نص ساعه طلبت دره من بكر انه يتصل بكرم يقوله انه اتحرك
ويورحله علي المكان اللي اتفقوا غليه ويستناه وبعدين يقفل الموبايل
عمل بكر زي ما قالت وبعدين قفل الموبايل وبقي مركز معاهم في الطريق عشان لو احتاجوا يقولوا اي حاجه لان موبايله هيقفله 
عدت كمان 35 دقيقه واخيرا وصلوا المكان وقفوا من بعيد وسبقهم بكر ومشي بالعربيه بكل هدوء عشان يتأكد انه موصلش وكله تمام ولما حس ان الدنيا هاديه نور بكشاف العربيه مرتين
عشان يقولهم يجوا دور حسن العربيه وراح عليه نزل بكر فتح بوابه حديد بسرعه ودخل حسن بالعربيه ووراه بكر وراح بكر في مكان في المزرعه ركن العربيه عشان متبقاش ظاهره
ودخلوا علي المخزن فتح النور بسرعه وجاب كرسي وبعدين بص لدره
بكر ايه يا دره بيتهيألي جه الوقت نعرف باقي الخطه
دره سونه اقفي علي باب المخزن المحي اي عربيه جايه من بعيد عرفينا وانت يا حسن امسك الازازه دي 
حسن ايه دي 
دره ده المفروض انه المخدر يا ذكي وانت يابكر هتمسك موبايلي ده انا عملاه وضع طيران بس عيزاك تصور كل حاجه هتحصل وانت بعيد 
بكر طب وانتي هتعملي ايه يعني المفروض تكوني مربوطه او نايمه علي الارض بسبب المخدر اي حاجه عشان يصدق
دره اعمل انت بس اللي قولتلك عليه ويلا اختفي وانت يا حسن انت وسونه لحد ما يوسف يبقي تحت ايدي انتوا معاه مش معايا
التمثيل بتاعكم اللي فات كوم واللي جاي كوم تاني
حسن تمام يا دره 
سونه من بعيد وهي واقفه علي باب المخزن تمام يا دره ربنا يستر